6 May 2017

今日如常去牙醫度覆診+洗牙+ 印牙模，
首先見林醫生,佢話會幫我整左曬d attachment,
但其實我帶緊個牙箍既大牙位已經唔系好岩位，
因為我自己懶，無帶到像筋，
搞到d牙唔系拉得好好😳
但醫生話點都會整走曬d粒粒架喇～

不過知道可以整走d attachment,
心裡真的有點開心：）
未試過d牙齊左之後,
可以好靚好乾淨咁(有attachment粒粒系唔同感覺的)

今次除左會拆走曬d attachment之外，
醫生仲會幫我再素描多一次d牙，
再整多一套牙箍，（不過點解箍完1年半仲要多一套箍？）
簡單講，今次姐系Final Adjustment,
第一次箍完1年半，只系將d牙排整齊曬，
而咬合，牙形會系未全部最靚同吻合，
所以要帶多套箍～

今次拎牙模同第一次有d唔同，
唔需要再用d膠倒模，唔洗及模，
我以為會好似年半前咁要印膠模，
今次先進左好多，用儀器素描，
完成曬素描後，我先問醫生：唔系要倒牙模咩？
醫生：已經印完左喇（我完全不知情），我地改良左用儀器素描印模～
我相信用儀器既精準度應該比倒膠模好，
加上我唔知以前倒膠模系唔系真系要寄去美國造套牙箍出黎，
如果用電腦素描，send資料去美國就會更加快同方便了！

然後其餘時間都系影正側面相同照X-ray,
姑娘最後忘記了我有book到洗牙。。。
幸好我同番佢講都可以即時安排到～

我終於d牙可以白雪雪～整齊乾淨咁見人喇😆
開心☺️！